Ako at ang bukas
Posted at 11:28 PM

Sa dulo nitong mundo anong naghihintay?
Sa abot nitong tanaw nais kong maglakbay.
Ano kayang naroroon, ako'y di mapalagay.
Magpahanggang ngayon ako'y nagninilay.

Gusto ko ng masilayan ang bukas.
Nagmamadali ako't baka lumipas.
Para akong sanggol na isisilang
Bumubungad palang ay nais ng magdiwang.

Bawat ikot nitong orasan,
Ang nalalagas na panahon ng kabataan.
Unti-unting sumisibol diwang ipinunla
At pagyabong nitong puno ng diwa.

Dito sa lupang tinubuan,
Itinatag itong tanging karangalan
Hinihintay ang pagdating ng panahaon
Kung kailan abugado na ako't pinatibay na ng panahon.